ملک اٹ کرونا نا ودّوکی،مرک اک گیشتر مننگ او۔این سی او سی

Spread the love

اسلام آباد(ُپڑوڈیسک)پاکستان اٹ تدوکادے اٹٹی کورونا نا سببب ان سندھ آن گڈ پنجاب ا گیشتر مرک نا حوال اک بننگو۔ہندن ملک اٹ دا بیست ءُ چار گھنٹہ ٹی کورونا آن 40مرک مسونو ہرافتے آن 19مرک وینٹی لیٹرآتیا ساڑی ناجوڑآتا اسور۔ نیشنل کمانڈ اینڈ آپریشن سینٹر ناپارہ غان شینک مروکا کچ انا رداٹ تدوک آ 24گھنٹہ ٹی مچ آ ملک اٹی 4ہزار 858بندغ آتا کوویڈ۔ 19ٹیسٹ مثبت بس۔ ملک انا 4بلا شار تے ٹی وینٹی لیٹرآتیا کوویڈ۔ 19نا ناجوڑ آتا بیٹ کچ انا رداٹ اسکردو ٹی 25درسد، پشاور اٹی 26درسد، لاہور اٹی 21درسد و اسلام آباد اٹی 33 درسد ناجوڑ ءُ۔ ہنداوڑاٹ ملک انا چار بھلا شارتے ٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ایبٹ آباد اٹی 55 درسد، کراچی ٹی 57درسد، پشاور اٹی 29درسد و گلگت اٹی 33درسد ناجوڑ ءُ۔ تدوک آ 24گھنٹہ ٹی کوویڈ۔ 19نا 56ہزار 414ٹیسٹ کننگا ہرافتیان سندھ اٹی 18ہزار 618، پنجاب اٹی 20ہزار 49، خیبرپختونخواٹی 10ہزار 338، اسلام آباد اٹی 3ہزار 76، بلوچستان اٹی 2ہزار 83، گلگت بلتستان اٹی 945، آزاد کشمیر اٹی 1ہزار 305ٹیسٹ اوار ءُ۔ داتم اسکان مچ آ ملک اٹی کوویڈ۔ 19آن دراخ جوڑ مروک آتا کچ 9لکھ 43ہزار 20مسنے۔ بلوچستان اٹی کوویڈ۔ 19نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19کن جتا کروک وینٹی لیٹرآتیا 318ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 73ہزار 213ءِ۔ مچ آ ملک اٹی کورونا دین آن زہمی بندغ آتا کچ 10لکھ 39ہزار 695ءِ ہرافتیان آزاد کشمیر اٹی 24ہزار 891، بلوچستان اٹی 30ہزار 502، گلگت بلتستان اٹی 8ہزار 212، اسلام آباد اٹی 88ہزار 93،خیبرپختونخواٹی 1لکھ 44ہزار 848، پنجاب اٹی 3لکھ 57ہزار 735و سندھ اٹی 3لکھ 85ہزار 414ناجوڑ ءُ۔ مچ آ ملک اٹی کورونا دین آن زوال کروک آتا کچ 23ہزار 462مسنے۔ ہرافتے آن سندھ اٹی 6ہزار 21مرک وخت اس کہ تدوک آ بیست ءُ چار گھنٹہ ٹی 19ناجوڑ ہسپتال آتے ٹی وخت اس کہ 1ناجوڑ اس اُراٹی قرنطینہ ٹی دادین آن زوال کرے۔ پنجاب اٹی 11ہزار 67مرک وخت اس کہ تدوک آ بیست ءُ چار گھنٹہ ٹی 7ناجوڑ ہسپتال آتے ٹی وخت اس کہ 1ناجوڑ اس اُراٹی قرنطینہ ٹی دادین آن زوال کرے، خیبرپختونخواٹی 4ہزار 468مرک وخت اس کہ تدوک آ بیست ءُ چار گھنٹہ ٹی 6ناجوڑ ہسپتال آتے ٹی دادین آن زوال کریر۔ اسلام آباد اٹی کل803مرک، بلوچستان اٹی کل 328مرک، گلگت بلتستان اٹی 147مرک وخت اس کہ تدوک آ بیست ءُ چارگھنٹہ ٹی 3ناجوڑ ہسپتال آتے ٹی دادین آن زوال کریر۔ آزاد کشمیر اٹی دادین آن 628مرک مسنے وخت اس کہ تدوک آ بیست ءُ چار گھنٹہ ٹی 3ناجوڑ ہسپتال آتے ٹی دادین آن زوال کریر۔ داتم اسکان مچ آ ملک اٹی کوویڈ۔ 19نا 1کروڑ 61لکھ 8ہزار 532ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 639ہسپتال آتے ٹی 3ہزار 889ناجوڑ درمان مننگ ءُ

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!