پاکستان وزیراعظم عمران خان ڈی-8 اٹ تران کریسہ پارے کہ کورونا دین انا حالیت آتیان پدتموک ملک آتے زیات نسخان رسینگانے او پارے کہ مخلوق ءِ بیرہ کورونا غان آخا بلکن بے روزگاری آن بچفنگ ءِ

Spread the love

پاکستان وزیراعظم عمران خان ڈی-8 اٹ تران کریسہ پارے کہ کورونا دین انا حالیت آتیان پدتموک ملک آتے زیات نسخان رسینگانے او پارے کہ مخلوق ءِ بیرہ کورونا غان آخا بلکن بے روزگاری آن بچفنگ ءِ۔
وزیر اعظم مستی تران کریسہ پارے کہ لکھ آ بندغ آک بے روزگار و کروڑ بندغ اک وامدار مسونو ہراڑکن دنیا نا چندی ملک آتے اسہ ایلو تون اواری اٹ کاریم کروئی مریک۔ ڈی ایٹ فورم ءِ دودوربیدگ، تعلیم و کشاری بشخ انا مون آ دننگ کن کاریم اٹ اتنگ مریک۔
داخیال آتا درشانی ءِ او پنچ شنبے نادے آ 10 میکو ڈی ایٹ ورچوئل نشست آن تران کرساپارے۔
وزیراعظم پارے کہ ڈی ایٹ تدوک آ 4 سال آن گچین وڑاٹ تینا کڑد ءِ ادا کننگ ءِ۔ کورونا دین انا سوب آن مچ اُلس وامدار مس وخت ئس کہ لکھ آ بندغ آک بے روزگار مسور و دنیا نا کئی کاروباری تے بھاز نسخان رسینگا۔، اوپارے کہ ننے ورناتے پوسکنءُ پلیٹ فارم ئس تروئی مریک،
کورونا دین پدتموک ملک آتے زیات نسخان تسونے۔ ننے ورناتے تعلیم تون کسب تروئی مریک۔ اوپارے کہ ٹیکنالوجی نا بابت ڈی ایٹ ءِ پوسکن ءُ گام گیج کروئی مریک، پدتموک ملک آتے ٹیکنالوجی نا مون آ دننگ کن گام گیج کروئی مریک۔ اوپارے کہ مخلوق ءِ بیرہ کورونا غان آخا بلکن بے روزگاری آن ہم بچفنگ ءِ۔
وزیراعظم پارے کہ ڈی ایٹ فورم ءِ گچین وڑاٹ کاریم اٹ اتنگ مریک۔ دنیا نا ملک آتے اسہ ایلو تون اواری اٹ کاریم کروئی مریک، ڈی ایٹ نا فورم ءِ دودوربیدگ و کشت وکشار نا بشخ انا مون آ دننگ کن کاریم اٹ اتوئی مریک، ڈی ایٹ رکھ خور و گوازی تا بشخ اٹ ہم تینا کڑد ءِ ادا کننگ کیک۔ اوپارے کہ ڈی ایٹ باسک ملک آک آخبت ءِ مون آ تخسا ڈٹ وڈول جوڑ کیر.

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!