پاکستانی وزیر خارجہ نا ڈی_8 وزارتی کونسل نا ورچوئل نشست اٹ گپ و تران

Spread the love

پاکستانی وزیر خارجہ نا ڈی_8 وزارتی کونسل نا ورچوئل نشست اٹ گپ و تران

خبرآتا رد اٹ پاکستانی وزیر خارجہ مخدوم شاہ محمود قریشی پارینے کہ پاکستان ڈی ایٹ فورم ءِ خاص اہمیت ایتک۔ پاکستان ءِ دنیا نا بدل مروک آ حالیت آتیکن و سختی تیتون مون تننگ کن پاکستان ءِ تیار کروئی مریک۔ داہیت ءِ تدوکا دے بنگلہ دیش اٹی 19میکو ڈی_8 وزارتی کونسل نا نشست آن ویڈیو لنک انا کمک اٹ تینا خیال آتا درشانی ءِ کریسہ پارے۔
ڈی ایٹ ورچوئل نشست اٹی مصر، پاکستان، بنگلہ دیش، سری لنکا، انڈونیشیا، ملائیشیا، نائیجیریا و ترکی اوار ءُ۔ وزیر خارجہ ڈی ایٹ وزارتی کونسل نا ورچوئل نشست آن ”بدل مروک آ دنیا کن شریداری‘ یوتھ و ٹیکنالوجی نا اہمیت“ نا سرحال آ تران کریدہ پارے کہ اینو نن ہراڑے ٹیکنالوجی نا شونداری ءِ خننگ اُن اوڑے غیر مساوی وارخواہی تا دنیا ہم ننا مون آٹی ءِ ۔
کورونا دین ہرا کہ جہانی دین اسے اونا حالیت آک دا گڑتی ءِ پین ودفینو۔
اوپارے کہ کئی بے شون آ ملک آتا جہانی اقتصادیات، جہانی سپلائی چین و تعلیم نا بشخ اٹی ساڑی گری بھاز کم ءِ، دا گڑا، نئے بیرہ ہزگار و نیزگار ملک آتا نیام اٹ فرق ءِ ودفک بلکن ورناگٙل نا حوصلہ شکنی نا ہم سوب ءِ۔ وزیر خارجہ پارے کہ ننا آخوبت نا دارومدار ننا ورنا گٙل تیا ٹی ءِ، ننا آبادی نا 60% بشخ ورناتیا تالان ءِ۔ نن اوفتے پوسکن آ ٹیکنالوجی آن بہرہ ور کننگ کن کوشست کننگ اُن۔ وزیر خارجہ پارے کہ نن پاکستانی ورناتے تعلیم و روزگار موقع تریسہ جوڑ کننگ کن گام گیج کننگ اُن

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!