لمئی بولی

Spread the love

براہوئی بدل ۔ سآحل مینگل

رسول حمزہ تَوف ” کنا داغستان” ٹی نوشتہ کیک کنا لُمّئی بولی "آوار” ءِ اگہ کہ ای روسی بولی ٹی شاعری کیوہ ءُ ننا بولی ٹی اسہ کرینگ ئسے کہ اوڑا جیڑہ بش مریک "ہِن کہ تینا لُمّئی بولی ءِ گیرام کیس” ۔
رسول حمزہ نا پانِنگ ءِ بیرہ ہفتاد ہزار آوار نا بولی ٹی ھیت کیرہ ۔ رسول حمزہ تَوف اسہ چکر پیرس نا اسہ ادبی کچاری سے ٹی بشخ اَلک اونا بنِّنگ نا سما تمّا اسہ جِنسار کشّوک ئس( مصّور) ئس اونا اوڑدئی کِن بس ءُ پارے، ” ای ھم داغستان نا باتی سے ئُٹ ۔ کنا لُمّئی بولی آوار ءِ بلّو وخت ئسے پیرس ئٹ رہینگیوہ ۔ اسہ فرانسیسی نیاڑی ئس برام کرینُٹ داسہ اندا جاگہ نا مسُّنُٹ ای داغستان نا فلانی خلک ئنا سے ئُٹ سی سال آن انداڑے توسنُٹ ۔ سما اف کنا لُمّہ زندہ ءِ یا کسکُنے ۔
رسول حمزہ پدی امو خلک آ ہِنا تو امونا لُمّہ نا سوج کرے لُمّہ تے خنا لُمّہ ءِ تے ھِچ سما الّو کہ کنا مار زندہ ءِ فرانس ئٹ گلانے، او تینے ہوغِنگ ئٹ اُزدیر کرے
رسول حمزہ غان سوج کرے، ” کنے دا پا اونا پُژّہ غاتا رنگ امرے؟؟ اونا کَلک آتا ٹِک ئس اَس داسکان ارے، اونا اٹ چُناؤ؟؟..
ولدا ناگبان ہَرّفے رسول اوڑتو اٹ پاس گدریفیس؟
رسول پارے سُہب ئس نن ئس توسُن اِرغ اوار کُنگُن بیرہ داغستان نا باروئٹ ھیت کرینہ،
نُم داخہ وخت آوار نا بولی ٹی ھیت کریرے رسول پارے آخہ نن فرانسیسی ٹی گپ کرین ۔ شاید نا مار آوار نا بولی ءِ گیرام کرینے

داغستانی نیاڑی تینا کاٹُم آ رومال ئس پیڑاسک اودے مَلِسہ مون آ تینا شاغا مونے ڈَکّا او جاگہ نا دود ئسے کہ ھرکس نا مار کسک تو لُمّہ تے مونے تینا ڈکِّک ۔
پیرئِنگا نیاڑی ہوغِسہ پارے "رسول اگہ کنا مار تینا لُمّئی آ بولی ءِ گیرام کرینے تو کنکے او کسکُنے زندہ اف.

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!