ادبی اختلاف ءُ تنقید

Spread the love

نوشت سگار بلوچ

ننا ادبی آ اختلاف آک زاتیات آ کارہ,افسوس ننا ادیب آک اندن بدبختی نا شکار ؤ نن اَسے ایلونا تخلیق آن زیات اَسے ایلو نا عیب آ تے پاش کینہ زات آ کانہ داتو زاتی او اختلاف ؤ گُڑا ادبی آ اختلاف آک ارادو انت مس تا.
بائد کے تخلیق آ خن شان او ہم تنیقد برائے تعمیر.‏
تنیقد برائے تدمیر آخہ .‏

اگہ اینو نن عربی اردو فارسی ایلو باز آ ادب آک اریر ننا مونا اسے بلّو مقام اس الکُر گُڑا تینا زبان ءِ عروج آ سر کریر زندہ ؤ تخلیق ایسُر نقاد آتا وجہ غان مونا اِنار دا غُٹ رواداری نا سوب آن اَسے ایلو ءِ سگِّنگ نا سوب آن اراڑے رد اسُّر تو تینا ردی ءِ الکُر ءُ اراڑے جوان اسُّر دلیل تسُّر ءُ تینا جوانِنگا دلیل ئٹ تینا تخلیق ءِ زندہ تِخار پارہ ایشیا ٹے باز کتاب غالب آ نوشتہ مسُّنو ءُ غالب ءِ نقاد آک زندہ تِخار غُٹ ءِ مجبور کریر غالب آ غور کنِنگ آ ہر اَسٹ اندا نقاد آتا سوب آن غالب ءِ چائک اودے اسے جوان ؤ چائندی ئس تسُّر اردو زبان ءِ ءُ غالب ءِ باز زبان ئٹ تشری ءُ مانہ کننِگانے.
ہر اَسٹ خوڑتی ئٹ داسکان خواننگے تہ اندا نقاد آتا سوب آن غالب اَسے جوان ؤ نوشتوک ئس اَس پن ئس کٹّا جُوانی ئٹ.
مولانا ذوق اونا دور ئٹ اسک پارہ ذوق سخت شاعری پانِنگ نا سوب آن داخہ پنی متو
جاگہ اس بریک ذوق کم اس کم 18زبان ئٹ شاعری کرینے غزل یا چورک یا اِرا بند پارینے داخہ ایلو زبان تے ئٹ اردو ٹی اونا دیوان ئس ارے ءُ دا پارہ کہ ذوق نا باز بلّو کُلیات اس مسکہ ولے اسےجنگ ئسےٹی اونا شاعریک ہُشِنگار باز ماھر ؤ شاعر ئس اَس بھادر شاہ ظفر نا اُستاد ہم اَس
ولے ای تو پاوہ اَرا چس اونا شاعری ٹی ارے کے انت پاوہ اندا پڑدہ ٹی گپ کننگ نا وجہ غان اونا شاعری باز پُرچس ءِ ءُ کنے امو شاعری دوست بریک ہرا ہر کنڈا گپ کے ہر ندارہ ءِ زیبا کے اُست آ اثر کے اُست ئنا ھوش ءِ چَپ کے تینا آ اَسے زندہ ؤ تخلیق اَس مرے کم مرے ولے چس آن پُر مرے دماغ ءِ فن بشخے اُست ءِ خوشی ئس زبان کے کسر شونی ئس مرے .
ایلو زبان تا تنقیدی نشستی آن بلو گڑتّی ئس دو بریک
اسےایلونا نوشت آ گپ ہم کیر ولے اندُن ؤ انداز ئسے ٹی کے نی اسے کتاب اس اُفتا تنقید آن نوشت کیس فن ءُ ادب نا تنقید آن اسے کتاب ئس نوشتہ مریک گڑا اوفتا ادبی تخلیق آک اخس مون آ ہِنور .
نن کمزور ؤ نوشتہ کینہ ولدا برداشت ہم اف کے کس جوان ؤ گپ ئس کے کسر شونی ئس کے.
ہرا بس جوان گپ ئس کرے بائدہ اونا اُست بُڑزی ءِ کین نہ کے اُستے تہ پِرغِن
گڑا او ولدا بف ننا نوشت آ گپ کپ دا ننا نسخان ءِ .
ننا نوشت بروکا نسل ئکے اسے روشن ؤ چراغ ئسے آن بار مرے نہ کے بروکا نسل پین تبا کے.
اگہ بے پڑدہ ؤ نوشت مس گڑا نن بروکا نسل ءِ انت مون نشان ایتون ءُ نن اسے اندنؤ زبان ءُ قوم ئسے آن ڈست تخنہ ہراٹی پڑدہ تو گپ کننگ نن کے اسے غیرت نا پیدواری سے.
تنقید کروکا غا دا فرض اف کے او فلان فلان کتاب ءً خوانے بس اخس کےاونا علم اٹ بریک او پائے ننا ادیب آک اسل سخت کرینو تخلیق آ گپ کننگے الیبو ادیب آک تینا گپ ءِ کیر دلیل ئٹ اخس کے چائند تِخانو امو تخلیق نا چائندی نا کچ ھیت کیر ۔
تو مدان مدان او اسے بلو نقاد اس جوڑ مریرہ ءُ ہر شاعر ءِ اسے کسر اس نشان ایتور شاعر راج ئنا حقیقت اٹ خن مروئے بدبختیک ننا راج ءُ خلک ءُ بازار ءُ گلی تے آن مُر مرو .
ادیب بس
اگہ نا نوشت آ گپ اس کرے پرمغزو ولدا نی داکا ایکا اُستے تہ پرغاس پاریس تہ نی تو فلان کتاب ءِ خوانتنُس نی امر بریسہ گپ کیسہ گڑا .
گڑا امو ادیب اندا خلیس خلیس ئٹ ہچو ؤ گپ ئس کنِّنگ کپّرو ءُ نی ردی ٹی اسے نسل اس چٹ کروس.
تینا بےبنیات آ تخلیق ئٹ..
او باز گچین باز جوان پاننگ آن پین ہِچ نوشتہ کپّرو .
داسہ غان اودے اُست ایتنگ نا کوشش مرے.
پڑی پڑی دریاب .
پیشن مریک اندا بے بخت آ گپ آتے آن کس کس ءِ شیف خلیک کس کس ءِ بڑزا ارفک انت کے خنارے اندن ؤ گپ اس مرے .
انت کے اُست ئٹ نا بریک نی پا تہ ارادے کے پائک او غور کے دا نوشت آ.
ای پرستی آن تینے مُر کے اگہ رد ئُس تو جوان کے نوشت ءِ اگہ جوان اس
تو برے دلیل خوش مزاجی ٹ ایتے .
تاکے ہر اسٹ ءِ اُست ایتے گپ کننگ نا.
تاکے ہر بروکا وخت نے خوانے نا گپ آک راج ئکے اسےپرفکر ؤ گپ مریر نا شاعری نا ایلو ادبی آ تخلیق نن کے اُست بڑزی نا ٹیکی مریر ننا ہر چنا نا اندا تخلیق آ فائدہ ارفے ءُ یات کے ننا بروکا نسل ننا زبان ءِ اخس زندہ تخار ءُ زندہ سلِنگ کے ننے تاکے اسے ایلونا خیال او ہمدردی متنے نن لچ مونا انپنہ ادبی ؤ اختلاف مرے گڑا زبان ءُ قومک اسے پیدواری( پھچان)ئسے نا مینار مرور جک سلور. ہرا کے طوفانک ہم بٹپرور.
گڑا ببو اسے ایلونا دو مرین خن مرین جون ئتو اسے سا ئسے نا مثالٹ چدم مرین.
دن کے اسے کنا شاعری اس نما دوست آ تا پیش خذمت ءِ.
.
روحی ؤ روشنائی اَس خواہیوہ.
جون ئنا وڑ ہراڑا دو لگّے

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!