بنیادی صفحہ / براہوئی / فکر اَنا خواجہ کفایت کرار

فکر اَنا خواجہ کفایت کرار

نوشت  :جمیل فاکر ؔ

 

زندگی انت ئسے دا سوج اٙنا ورندی میڈیکل و مہذہبی کتاباتیٹ جتا جتا وڑ نوشتہ ءِ ۔ زند اٙنا حوالہ غا اسے عام و خیال ئس ہرے کہ دم تا روانی زندگی پاننگک تا کہ ساو دم ارے یا است سُرک تو انسان زندہ ءِ دا زندگی نا عام مفہوم ءِ ا۔یلو خیال دا مریک کہ کس زند ءِ امر تیر کرینے یا خنانے او زندگی ئِ ہمو پن ایتک ۔کس زندگی ئِ دڑد و غم ئس چائک تو کس خوشی ئس ۔کس مہرانٙا چاشنی پائک تو کس خرینی تا انبار ئس ۔کس زندگیء ِ بخت و تقدیر نا رحم وکرما السہ تیر کیک تو کس تقدیر ءِ دعا ٹی بدل خوائک ۔ہندن کس زندگیئِ جد وجہد و کس برجا و ظلم و جبر ئس چائک۔
دنکہ ساغر صدیقی پائک

زندگی جبر مسلسل کی طرح کاٹی ہے
جانے کس جرم کی پائی ہیں سزا یاد نہیں
ٍ کنا خڑکا زندگی (ڈکھ ،تکلیف و ویلاتو اسے منظم و جنگ ئسے دا جنگ اٹ ہرا وخت اُست،جغر دماغ ٹپی مریرہ تو دڑد ہم مریک و اندا دڑد اٹی زند نا اصل راز و چس ڈکوکے ) کنا دا خیال تو کس نا امنا مننگ المی اف۔
اگر نن بانی ءِ راسکو کفایت کرار نا زندگی آ نگاہ شاغنہ تو دا نظر بریک کہ او دا بے مہر، خد غرض مادی پرست و مفاد پرستا ننا راج اٹ اسے مکمل اس زند ئس تیر کرے ۔دا ارمان عمر کل مرو کہ او ننے آن باز مالو جتا مس۔ولے ارمان کننگان مست ننے تینا ہم کڑدا غور کروئی تمک کہ نن اودے مہر محبت نا بدلہ انت تسن اونا عشق وپاک انگا جذبہ غاتے انت پن تسن ۔انت کرار نا جتائی ننا و ننا راج ئنا بے چیٹا رویہ نا سوبان متو
کرار ئِ پو مننگ کہ کہ ننے اونا فکر فلسفہ و زند ئنا مقصد و جد جہد ءِ پو مننگ نا ضرورت مریک اونا نوشتاتے خوانائی مریک ۔ ننا اسے ویل ئس دا ارے کہ نن ایلو جہانی بولی تا نوشتوک زانتکاراتے خواننہ و خوانفینہ پو مرینہ ولے ننے تینا زانتکار و فلاسفراتا سما اف بلکہ نن اوفتا پن تے ہم تپنہ ۔ای فلاسفر پاریٹ یقین اٹ دا سوج ودی مرو کہ براہوی یا بلوچی ٹی فلاسفر اراکا بس ۔۔۔۔۔؟ کنا ورندی دادے کہ اگر نن تینا ایب کیبا اسے وسیع و نظر اس شاغن ہرا تعصب آن پاک مرے تو ننے براہوئی و بلوچی ٹی ہم جوانو فلاسفر نظر برو ۔
نن لینن،ارسطو،سقراط،افلاطون ،نیپولین ئِ خواننہولے گل خان نصیر خیربخش مری،داکٹر عبد الرحمان ،صباح دشتیاری ءِ شاہ محمد مری،منظور بلوچ،افضل مراد کفایت کرار وحید زہیر ئِ تپنہ خواننگ تو باز مر سلک ۔ہندا ڈول نن چی گویرا ،نیلسن منڈیلا ،ابراھم لنکن ،بھگت سنگھ،تو درست کینہ ولے اﷲنظر ،جلیل ریکی ،سنگت ثنائٗ ، ماما قدیر وفرزانہ مجید کونا لیڈراتا وجود آن ہم انکاری اُن
کفایت کرار ہم براہوئی بلوچی نا ہمو دانشورے ہرادے نن زند اٹ ہمو قدر ئِ تتون کرار تو ہمو فکر فلسفہ دانش اس ہرا اسے قوم اسینا راہشونی و شونہالی کے المی اس۔او تینا چُنکا عمر اٹ ارا فکر ومقصد ئِ تخاسس اوٹی سرسوب مس کرارؔ نا مقصدتینا پد تموکا راج اٹ علم آگہی وشعور ودی کننگ اس ۔تینا دا جد وجہد ئِ برجا تخنگ کہ ۱۹۸۹ و راسکو ادبی دیوان و سپارک سوسائٹی نا بنیاد ئِ تخا۔دا ہڑتوما ادارہ غاک کرار نا فکر ئنا بلنی نا نشانو کہ او کلان مست تینا زانتکار و لکاری تے یکجا کرے ۔ دنکہ او تینا براہوئی شاعری نا کتاب بالاد اٹ جا ہس پائک
کنے الے سر ال ان نی ہتم نا سیل اکن داسہ ای داسکان باز گٹ اٹ اُستنا ٹکرتے مُچ کیوہ
اگر ایلو ک کنے پارہ تو نی پاپہ نی جوان چاسہ ای دائسکان باز گٹ اٹ اُستنا ٹکر تے مچ کیوہ
کنا کاریمے دا عمران پد شش عمر پین لگک پدا نُم تون بروٹ پھلس بنوٹ جٹس مخوٹ تولوٹ
کنا سا ہیتے بن جوان اس اناسہ پھل پٹّاسہ ای دائسکان باز گٹ اٹ اُستنا ٹکر تے مچ کیوہ
کرارؔتو تینا چنکا عمر اٹ تینا اُستنا ٹکر تے مچ کننگ اٹ سر سوب مس دا سہ دا باریم راسکو ادبی دیوان تو اوار ہر براہوئی وبلوچی زانتکار نا کوپہ غاٹے کہ او تینا مظلوم نت شپاد ملاس بینگنا قوم اٹ علم و آگہی کن کرارؔ نا شش عمر والا مشن ئِ اخہ مونا دیرینن۔ہرا پلیٹ فارم ئِ کرارؔ ننے تس نن اوڑان تینا قوم ئنا شونہالی کن ہمو وڑٹ کاریم کننگ اُن ہراوڑ کہ اوننے دا قابل خنا و جتائی نا فیصلہ ئِ کرے۔گڈ سر اٹ ای کفایت کرار نا قول اسے تو سوج اس الیوہ کہ نن اونا فکرے اخہ تالان کننگ اُن ۔۔۔؟ (براہوئی بلوچی کنا ہڑتوما خنکو دافتیان کس اسٹے خراب پارے تو ای اونا خن تے کشوہ)

تعارف: nishist_admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

جدید ٹیکنا لوجی،لکھ وڑء ُ براہوئی بولی

نوشت: علی گل سرپرہ حرف اک ترتیب اٹ بامعنی اوار مریر لوظ ...

کُٹّانے نے ءٙ بندغ

21 اپریل ایماندار خواجہ جبار یار ناکزیت دے نا رِد اٹ نوشت: ...

ژاں پال سارتر ’’وجودیت ء ُ لاوجودیت‘‘

نوشت:  اخلاق احمد قاری براہوئی ترجمہ: صائمہ بلوچ     Letreet Leneant ژاں ...

جہانی نسخان نا بابت اقوام متحدہ نا گڑتی

اقوام متحدہ پارینے کہ کوروناوائرس نا ترندی اٹ تالان مروک دَین نا ...

ریاض سعودی عرب کورونا وائرس نا دَین آن پد ودی مروک آحالیت آتارداٹ گروپ 20 ملک آتا سروک دیوان اس بٹنگ انگ نا پڑو

ریاض سعودی عرب کورونا وائرس نا دَین آن پد ودی مروک آحالیت ...

error: Content is protected !!