بنیادی صفحہ / براہوئی / بے ایمان آ بندغ

بے ایمان آ بندغ

نوشت:احمد بنگزئی

 

اسے بندغ ئس ئس او بے ایمانی دھوکہ وفریب ناکاریم  ءِ کریکہ حرام خوری اٹ تینا وخت ءِ تیر کریکہ باز زیات بے ایمان ئس بس مخلوق ءِ دھوکہ تسکہ او ہوشار ہم ئس چم باز ہم ئس پین دُزی ہم کریکہ نیکی ءِ پُہہ متوکہ حرام وحلال نا فرق ءِ کتوکہ۔ مخلوق اودے بھاز پُہہ مسورا دا بندغ بلو حرام خور بے ایمان ئسے تینا حرام خوری ناسوب آن بھاز پنی ئس۔

دا بے ایمان آ بندغ اسے دے سوب اٙنا مہالو بش مس اُست اٹی تینا سوچا اینو کنے وڑس کروئی ءِ خیربش مس بازارا ہِنا بازار اٹی بس اِنا ہوٹل اسیٹی خلک چائے تیاری کرے۔دا سوچا کہ اینو گڑاس کنے کروئی ئِ دماغ اٹی کنا ہچ ئس بفک امر کیو؟ خیر باز زیات سوچ کننگ آن گڈ ذہن اٹی تے گڑاس بس او ذہن اٹ تے دا چم بس ہُرا کہ ای بھلو بے ایمان حرام خور اسے اُٹ چلو کنا خیر ئسے کنے دا معلوم کروئی ءِ کہ پین بندغ دا شار اٹی بے ایمان یا ایمان دار ارے یا اف یا کل خیراَٹ ایمان دار ءِ؟۔ کنے کل آن مُست اسے بخال اسے نا ایمانداری یا بے ایمانی ئِ ہُروئی ءِ اسہ مسلمان اسے نا ایمانداری یا بے ایمانی ئِ ہُروئی ءِ خیر دا بے ایمان آ بندغ ساعت اسے آن پد ہِنا بخال اسے نا دکان اٹی پیہا بخال ءِ دا خبر الو کہ دا دھوکہ اس کیک۔دا بندغ ءِ بخال نہ خناسُس نہ درست کریکہ نہ اوڑتو واقف ئس دا بے ایمان آبندغ بخال ئِ سٹی پارے سیٹ ای نے آن منہ تُو مُست گڑا سامان ہلکُسٹ سیٹ بس انسان ئِ نا ہم خیال آن ہِنار پیسہ غاک کنا ہم ہوش آ بتوس دکان آ رش ئسکہ ہندا وجہ غان پیسہ غاک گیرام اِنار۔ بخال ُچپ کرسا پارے نی واقعی سنگت است آن درینُس پیسہ غاتے کنا؟ بے ایمان آ بندغ ءِ موقع تِس پارے تے نا پیسہ غاک کنے آ اریر بخال ارّیفے نی کنے آن انت انت سامان دریس دا بے ایمان آ بندغ پارے دا دا سامان اسور۔سائت اسے آن پد بخال نا نیت خراب مس لالچ اٹی تمّا ہُرا کہ دا پیسہ غاک کنے مفت ملّرہ دوئی کیو تا سٹی بخال ولدا ہندا سامان تا پن تے ہلسہ پارے دا سامان تے کنے آن دریس بخال ساعت اس چھپ کرے ولدا پارے اَئو واقعی نی منہ وخت مہالو سامان کنے آن دریس داخہ مریرہ پیسہ غاک تا بخال دا پُہہ متو کہ دھوکہ ئس کُننگ اٹی ءِ۔ بے ایمان آ بندغ اُست اٹی تینا پارے ای تو بے ایمان اسے اُٹ دا منافق کنے ہم کراس کرینے۔ بے ایمان آ بندغ غصہ ٹی پارے اڑے بخال نا مار دماغ نا خراب ئِ ای نے آ تینا زند اٹ بتہ نُٹ کنااولیکو وار ءِ نا دکان آ بننگ نا نا پیسہ غاک انت اسے نائُ و نی امر پاسہ نا پیسہ غاک کنے آٹو۔بخال چھپ کرے تُوس بخال پُہہ مس وڑس ارے اُست اٹی تینا خجالت مس۔
بے ایمان آ بندغ دکان آن پیش تما اِنا ساعت اسے آن پد بس مسلمان اسے نا دکان اٹی پترینگا مسلمان ءِ پارے ’’ایلم ای نے آن منہ وخت مُست سامان دریسٹ پیسہ غاک نا خیال آن اِنار کنا ہوش آ ہم بتوس ای ہمودے آ اناٹ کاریم تمّا بننگ کتوٹ دا پیسہ غاک نا ئُ قربان‘‘ بے ایمان آن بندغ پارے۔مسلمان دکان دار پارے دا پیسہ غاک کنا افس ایلم۔ شاہد دا پین کسے نا مرور یا رد کرینُس دا پین اسے نا ءِ ای انتئے ہلیوتا تینا لخ ءِ بند کیو تینا قبرئِ مون کیو۔ آخرت ئِ خراب کیو ای ایمان ءِ تینا خراب کپرہ۔ بے ایمان آ بندغ پُہہ مس کہ دا حرام خور بے ایمان ئس اف۔بے ایمان آبندغ آ بھلواثر ئس تمّا دادکان آن پیش تمّا تینا اُست اٹ پارے ہُرک بے ایمانی ءِ ایمانداری ءِ اسے بلو فرق ئسے بخال دا دنیا ءِ خوش تخک بخال نا ایمانداری مسلمان نا بے ایمانی برابر افس بخال دا دنیانا زیات جوفہ وحرص اٹ بندغ دا کوشست کے کہ تینامسلمان ایلم اسے فائدہ ایتے مومن مسلمان ءِ تینا آخرت نا فکرءِ اونا ہندا دنیاءِ بخال نا مقصد پیسہ دولت کمائفنگ حرام حلال اوار مریر کناکاریم چلینگے۔
بے ایمان آبندغ سوچا دا دنیاٹی وڑ وڑنا بندغ اریر کل اسے دُو افس دا دنیا اسٹیج ئسے ہر کس بریک تینا فن ئِ کیک کائک کس ایمانداری کیک کس بے ایمانی کیک کس دھوکہ ودُزی کیک باز بندغ آک پین نا حق آن خلیرہ دنیا اسے وڑٹ اف بے ایمان آ بندغ نا ہر قسم نا خیال ذہن اٹی بسکہ۔سوچ خلک ای مچا زندگی ءِ تینا دُزی او بے ایمانی اٹ گدریفیٹ ہچ اس دُو بتو کنے ہچو چین سکون اس نصیب متنے کنے ناحق ایمان ءِ تینا خراب کرسا بسنُٹ ہرادے کنا ہستی ہرادے کنابنگلہ ایمان کنا کمزور مسُنے۔ کنے قیامت نا دے جوانو عمل کرینٹ یا گندہ ءُ عمل کرینُٹ دا کل انا حساب تروئی ءِ۔دا دنیا ریل انا مثل اٹے اسے ریل ئس بریک اسٹیشن آ سلک ریل دہ یا پانزدہ منٹ کن سلِک اسہ مسافر ئس دڑنگے اسٹیشن آ بنگلہ اس جوڑ کننگ ءِ شروع کے اول تو اودے کل بے وقوف پارہ دا مختصر آ وخت اٹی ہچ ئس جوڑ مفک دا مننگ کپک دا مقصد ئسے ضرورت اس اف۔ دا زند مسافری ئسے ریل دہ یا پانزدہ منٹ کے سلوکے دا وخت اٹی ہچ اس مننگ کپک بنگلہ جوڑ کننگ ئِ شروع کے تو ریل اسٹیشن آن سر ہلیک بنگلہ جوڑ کروکا سلک۔
دابندغ نا اُست اٹی بسکہ دنیا نالالچ حرص ختم مفک دا دنیافانی ءِ دنیا آزمائشت ئسے دنیا شیطان نا جال ءِ۔ دنیا نا زندگی دھوکہ نا زندگی ءِ دا دنیا مومن کن قید خانہ سے دنیا کسے اہمیت تفک۔ دا بے ایمانی اٹ تینا دنیا ءِ خراب کرینُٹ آخرت ءِ ہم برباد کرینُٹ گم کہ بے ایمانی ءِ کنے توبہ ءِ نماز کیو اللہ ءِ یات کیو رب ئِ تینا رازی کیو۔ خواوہ تینا رب آن دا کائنات ءِ چلیفک او بلو ذات ئسے کسے نا محتاج اف۔

تعارف: nishist_admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

جدید ٹیکنا لوجی،لکھ وڑء ُ براہوئی بولی

نوشت: علی گل سرپرہ حرف اک ترتیب اٹ بامعنی اوار مریر لوظ ...

کُٹّانے نے ءٙ بندغ

21 اپریل ایماندار خواجہ جبار یار ناکزیت دے نا رِد اٹ نوشت: ...

ژاں پال سارتر ’’وجودیت ء ُ لاوجودیت‘‘

نوشت:  اخلاق احمد قاری براہوئی ترجمہ: صائمہ بلوچ     Letreet Leneant ژاں ...

جہانی نسخان نا بابت اقوام متحدہ نا گڑتی

اقوام متحدہ پارینے کہ کوروناوائرس نا ترندی اٹ تالان مروک دَین نا ...

ریاض سعودی عرب کورونا وائرس نا دَین آن پد ودی مروک آحالیت آتارداٹ گروپ 20 ملک آتا سروک دیوان اس بٹنگ انگ نا پڑو

ریاض سعودی عرب کورونا وائرس نا دَین آن پد ودی مروک آحالیت ...

error: Content is protected !!