بنیادی صفحہ / براہوئی / جدید ٹیکنا لوجی،لکھ وڑء ُ براہوئی بولی

جدید ٹیکنا لوجی،لکھ وڑء ُ براہوئی بولی

نوشت: علی گل سرپرہ

حرف اک ترتیب اٹ بامعنی اوار مریر لوظ جوڑ مریرا۔ لوظ اک ترتیب اٹ اوار مریر جملہ جوڑ مریرا۔لوظ اتے چیک کروکا مشین ءِ ڈکشنری پارا۔ لوظ آتا ترتیبئِ چیک کروکا مشین ءِ گرائمرپارا۔ ولے دافتا بنیاد حرف اک مریرا۔ حرف اک اَسے لِکھ وڑ ئسے ٹی نوشت مریرا۔ براہوئی لکھ وڑ ،ڈکشنری، گرائمر غْٹ اٹے پدی ءِ۔داسکہ براہوئی نا لِکھ وڑ مکمل او قابل قبول متنے ننے دنیا ٹی حیثیت مِلنگ باز مشکل ءِ۔ انتے کہ لکھ وڑ اگہ قابلِ اعتراز مس ہمو وخت اِسکان بولی ترقی کننگ کپک۔
لکھ وڑ ان پد بولی نا جان اونا لوظ آکو لوظ آتے ڈکشنری ٹی محفوظ کننگ بولی کہ اَسے قلعہ سینا کاریم ئِ کیرا۔ اگہ ڈکشنری مف تو بولی نا لوظ اک پین بولی تا وراثت اٹ ہم اِننگ کیرا۔ڈکشنری مَننگ نا فائدہ داہم ہرے کہ شاعر او ادیب ئس تینا نوشت کہ پین بولی تا لوظ آتا کمکئِ ہم الپک۔ہندُن بولی ءِ تینا شاعر او ادیب ان بے پوئی ٹی نقصان ہم رسینگپک۔
گرائمر مکمل لکھوک مرے دُ نکہ باز بندغ اک پارا براہوئی ئِ گرائمر اف ۔دا اُفتا خام خیالیئِ ۔انتے کہ اگہ گرائمر متو تو بولی ٹی بیرہ لوظ اک سلیرا،ہیت کننگ مفک۔
اَسے باز مشکل او تبدیلی ئس معاشرہ ٹی بولی نا اصلاحات اکو۔ دا کاریم ئِ اکثر قوم اک کننگ کپسا۔ ہرافک کہ کیرا اوفک مدان مدان آ اصلاحات نا کوششئِ ترجیح ایتیرا۔ ولے ’’عطا ء ترک‘‘ نا سربراہی ٹی ترکی دنیا نا غُٹ ان تیزء ُ مشکل ء ُ وڑ و ڈول ئس ہرفے۔او عربی اسکرپٹ ئِ ہرا کہ ترکی ٹی ہزار آ سال اتیان استعمال مسکہ لاطینی اسکرپٹ اٹی بدل کرے۔ او تینا ماہر آتیان ہَریفے کہ اٹ وخت لگیک؟ اوفتیان بلو کچ ئس پارے ـ5سال ! عطاء ترک پارے نن 5تُو اٹی کین تے۔ ہندُن مس ہرا کاریم ئِ او کرے او ٹی 29حرف(8واول 21کانسونینٹ) اسور ہراٹی عربی اسکرپٹ امبار اِچ او مسئلہ الو۔
داڑن پد عطاء ترک غٹ ئِ ہمو لوظ آتے ترک بولی نا لوظ آتے تو بدل کرے ہرافتے پین بولی تییان وام الکوسور۔ 1920اٹی 80%عربی ،فارسی او فرانسیسی نا لوظ اک ترک بولی ٹی اوار اسور ولے 1980اسکا دا10%مس اک۔
عطاء ترک نا ترک بولی کہ لکھ وڑ،ڈکشنری او گرائمر نا اصلاحات اک اُنا ثقافت تعلیم اٹی اسے انقلابی او تبدیلی اس ایسور۔
گدرینگو کا صدی ٹی براہوئی نوشت ء ُ خوان نا بولی ئس جوڑ مس ہندن ’’ٹرانزسٹر‘‘ نا ایجاد دنیا ٹی ٹیکنالوجی نا انقلاب ئس ایس، ہر ا دا صدی ء ِ ٹیکنالوجی نا صدی ئس جوڑ کرے۔ مُرّیک ،خُڑک مسور۔ رابطہ مُچا دنیا ٹی چُنا تا گوازی ئس جوڑ مس۔ بولی تا ہیل کننگ آسان مس۔ولے دا ٹیکنالوجی نا دور اٹی اگہ نن براہوئی بولی نا جاچ ئِ الین تو براہوئی ٹیکنالوجی آن داسکا ہندن مُرّئِ دنکہ دا صدی ٹی داسکہ داخل متنے۔
اگہ اْرن تو نن کمپیوٹر ئِ اَسے ٹائپنگ مشین او پرنٹر ان بیدس ہِچ استعمال کپنا۔ نن کمپیوٹر ئِ بیرہ کتابت کن استعمال کینا۔ دا ٹیکنالو جی نا صدی ٹی موبائل فون ہم اَسے کمپیوٹر ئسے ۔ولے نن موبائل فون ئِ رابطہ کننگ۔ کہلورای کننگ آن زیات استعمال کپنا۔
ہیت دا دے کہ نن داسا ٹیکنالوجی ئِ امر استعمال کین کہ ننا لمی آ بولی دنیا نا ایلو بولی تیتون ہمگام مننگ کے ۔دا قدیم ترین آ بولی اثارِ قدیمہ نا بشخ ئس جوڑ مف بلکہ تینا متکونا حیثیت اتو اوار جدید دور انا اَسے گچینو بشخ ئس جوڑ مرے۔
لکھ وڑ مکمل مرے اعتراز آتے ایسر کننگے۔ ولدا کمپیوٹراو موبائل فون کِن براہوئی ’’کی بورڈ‘‘ ئس جوڑ کننگے۔ہرا نا کمک اٹ کمپیوٹر او موبائل فون آ مُچا سافٹ ویئر تیٹی براہوئی آسانی ٹی لکھنگ مریک۔
ہندُن ڈکشنری جوڑ مرے ولدا انٹرنیٹ آتخنگے او موبائل تے ٹی انسٹال مرے کہ مخلوقئِ آسانی ٹی لوظ آتے پٹنگ اٹ کمک ملے۔ گرائمر ہم انٹرنیٹ آ تالان مرے تاکہ دنیا ٹی کس ئسے براہوئی ہیل کروئی مرے تو آسانی ٹی ہیل کننگ کیتے۔
دنیا ٹی غُٹ آن زیات استعمال مرو کا سرچ انجن ’’گو گل‘‘ ئِ ۔ولدا ’’گوگل ٹرانسلیٹ‘‘ہم باز زیات استعمال مریک۔گوگل ٹرانسلیٹ اٹ بولی تے ترجمہ کننگ مریک ۔ویب سائٹ آتا ترجمہ ہم کننگ مریک۔گو گل ٹرانسلیٹ اٹی 90بولی او ہرافتے ٹی اُردو ،فارسی،پنجابی ء ُ پشتو ہم اوارء ُ۔ ولے براہوئی انتے اف؟ ؟؟
براہوئی ئِ ’’گوگل ٹرانسلیٹ‘‘اٹ شاغنگ نا دا شڑط آک داوڑ ء ُ۔
How to add a new language to Google Translate?
Google Translate currently supports 90 languages and we hope to add more languages in the future. Here are some
The indicators for a strong candidate Language:
It’s a written language
It’s a Language and not a Dialect
It’s actively used on the web together with translations into other languages (news articles, multilingual websites,
books, government pages and so on)
by “actively” we mean there are millions of translated words available
Speakers of the Languages are eager to partner with us and offer their language expertise through Community tasks
ہندُن براہوئی نا ویب سائٹ اک زیات آن زیات مریر۔ اگہ نن کل ’’ویب سائٹ‘‘ جوڑ کننگ کپنا تو ’’ویب بلاگ‘‘ ضرور جوڑکین۔ انتئے کہ ویب بلاگ مفت ء ُ باز آسانی ٹی جوڑ مننگ کیک۔
کتاب آکScan سکین مریر۔ویب سائٹ آتا شینک مریر(کتاب آتا سکین کننگ بلو خواری ئسے ،ولے Book scanner نا استعمال ان دا کاریم باز تیزی ٹی او آسانی ٹی مننگ کیک)
ہندُن کل کتاب اک،اگہ کتابی لکھوک نا توار اٹ ’’آڈیو ریکارڈ‘‘ مریر ولدا انٹرنیٹ آ شینک مریر تو غیر تعلیم یافتہ یا پین بولی تا بندغ اک ہم فائدہ ہرفنگ کیرہ(دا ڑ کہ اسے کمپیوٹر ء ُ مفت ملوکاسافٹ ویئر Audacityدرکار مریک ۔

تعارف: nishist_admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

چائنداری !

نوشت:  آغازاہد نن ’’ چا ‘‘ نا باز شوقی ان۔ چا ننا ...

کُٹّانے نے ءٙ بندغ

21 اپریل ایماندار خواجہ جبار یار ناکزیت دے نا رِد اٹ نوشت: ...

ژاں پال سارتر ’’وجودیت ء ُ لاوجودیت‘‘

نوشت:  اخلاق احمد قاری براہوئی ترجمہ: صائمہ بلوچ     Letreet Leneant ژاں ...

جہانی نسخان نا بابت اقوام متحدہ نا گڑتی

اقوام متحدہ پارینے کہ کوروناوائرس نا ترندی اٹ تالان مروک دَین نا ...

ریاض سعودی عرب کورونا وائرس نا دَین آن پد ودی مروک آحالیت آتارداٹ گروپ 20 ملک آتا سروک دیوان اس بٹنگ انگ نا پڑو

ریاض سعودی عرب کورونا وائرس نا دَین آن پد ودی مروک آحالیت ...

error: Content is protected !!