بنیادی صفحہ / براہوئی / چائنداری !

چائنداری !

نوشت:  آغازاہد

نن ’’ چا ‘‘ نا باز شوقی ان۔ چا ننا زند انا ہر بشخ اٹ المی ہند ئس دوئی کرینے۔ فاسیک پارہ ’ چا ئے نا خوردی جنگ نہ می شہ‘‘ ننا چا آن بیدس ہر مریک نہ جنگ ۔ مرک مریک نہ زند ۔ چا ننا ثقافت نا ء ُ بلوچیت نا لازم ء ُ بشخ ئس جوڑ مسونے ۔ ای دعویٰ اٹ پاننگ کیوہ کہ دنیا ٹی اسے بلوچ ئس ہم دن مفروئے کہ ہرا چا نا چس ئِ التئے ۔ ہچو بلوچ اُرا اف کہ اوٹی چا بسنگپک، چادان مفک ۔ ای یقین اٹ پاوہ کہ چا ننا زند اٹ ء ُ ننا ثاقفت اٹ ہمو ہندے الکنے کہ نن داسہ چا ء ُ بلوچ ئِ اسٹ ایلو آن جتا کننگ کپنہ ۔ چنا سیناودی مننگ نا دودآن الیس ، برام ء ُ پدا مرک ء ُ ماتن اسکان چا ننا مجلس نا زیب ء ُ شان ئِ۔ بلوچ ئس اگہ تینا مہمان ئِ ہر وڑ اٹ شون کے ولے چا تِف تہ تو دااسے بلو شغان ئس جوڑ مریک ۔ بازار ء ُ ملک( کشت ء ُ کشار)اٹ یا ہراڑے کہ اِرا بلوچ تینے خنار ’’ بیا بخیر آن پد اولی سلا ہ چا نا خلنگک۔ کہ داسہ دا ننا بلوچی غیرت ء ُ مہما ن جلی نا بشخ ئسے ئُ باز آ یاراک چا نا سلہ ئِ رخصتالنگ نا حربہ کن ہم کارمرزکیرہ۔ باز علاقہ غاتے کن ’’ چا ئس کنوسُس‘‘ اسے شغان ئس جوڑ مسونے ۔ چا نہ بیرہ ننا غیر ت ، عزت ثقافت ء ُ بلوچیت نا Symbol ئس جوڑ مسونے بلکن دا ننا سماجی سرگرمی ء ُ قومی نفسیات نا ہند ئِ الکنے۔ ہندا خاطران تو داسکان ننے ’’ موننگا چادان ‘‘ باز Atractکیک ء ُُ نن اونا ’’ شونک ‘‘ کن قربان مرینہ۔ ’’ چا ‘‘ ننا ہمو Activity ئِ ہرا نا ہچو وخت ء ُ پاس ، کچ ء ُ مقدار اف۔ اہیُن ہم نن دا گڑا تا چندا پروا ئِ کپنہ ۔ ’’چا ‘‘ نا حوالہ اٹ تو نن دافن ئِ ’’ باک‘‘ اٹ ہم اتینہ۔ ’’چا ‘‘ بہ بیرہ اسے Cultural Activity ئسے بلکن ننا راج اٹ تفاعل نا کل آ ن بلا وسیلہ ئِ ۔ نن تو لینگ کن ۔ ، مجلس کننگ کن ’’چا‘‘ نا محتاج اُن۔ ننا شار ء ُ بازار تیان ’’چا ‘‘ نا ہوٹل آتے ختم کننگے تو یقین چابوکہ ہند ابازارک ’’سُنسان‘‘ مرور۔ ننا بازار تا زندگی ء ُ شونداری بیرہ ہندا ’’ چا‘‘ نا ہوٹل آکو۔
انتئے کہ ننا مخلوق نا بلو کچ ئس بیرہ ’’ چا ‘‘ کننگ کن بازار ا بریک۔ کنے اینو اسکا ن دا سما تمتو کہ ہوٹل تیٹ تولوکا دا مخلوق مجلس نا ضرورت کن دا خہ ’’ چا‘‘ کنیک یا گڑا’’ چا‘‘ کننگ کن مجلس کیک۔؟؟ یعنی کنے دافتا مقصد اولیٰ Priority ہچ معلوم متو ۔ تنم اندازہ خلینگ کیرے ہمو اُرا نا حالیت نا کہ ارا نا تیتی چا کنوکاک بیرہ چا کنیسہ بلکن ’’ نوش ‘‘ کیرہ ۔ ’’ نوش ‘‘ آن کنا مسخت داڑے اسٹ ’’ باز کننگ ‘‘ ء ُ ایلو ’’ چککنگ‘‘ ئِ کہ ہراڑان اسے ’’شوکاری‘‘ ء ُ ’’سُڑ‘‘ ئس پیدا مریک۔ دا ہمو ’’ سُر‘‘ ئِ کہ موسیقی نا ’’ ہفت انگا ’’سُر‘‘تے پد بِٹک۔ صوب نا اگہ اسے اُرا سیٹی ’’چا‘‘ نا وخت ئَ ’’چادان‘‘ گوانگے؟ بس تخلیق کار ئس دا نا منظر کشی ئِ کننگ کیک۔ کہ انت آن انت گدرینگو ہمو اُڑا ٹی ہر ہر بندغ ئَ ڈرامہ نا ہمو ’’ سین‘‘ Creatمروکااندازہ غان پیشن ۔ تہذیب نا ہمو دروشم پاش مروکہ ’’ بد تہذیبی‘‘ ڈول ڈول چرینگوے۔ نوشت کار ئس بیرہ دا منظر کشی ئِ قلمبند کے ’’ اعلیٰ ‘‘ تخلیقی شہ پارہ ئس جوڑ متو گڑا کنے پابو۔۔۔۔ آئو۔۔۔ نوشت کار اٹ ’’تخیلی حس‘‘ مننگ المی ئِ۔ ’’چا‘‘ بیرہ ننا ثقافتی ، قومی ء ُ راجی ضرورت آتے پورَو کپک ۔ بلکن ننا ’’جان جوڑی‘‘ نا بلو ’’درمان ‘‘ ہم انداڑان مریک۔ بزغر ، شوان ، دکاندار ،تینا’’کُٹہ ‘‘ غابدن ئِ ہندا ’’چا ]] آن آرام ایتک۔ ماشٹر ، بابو، بوتار تینا کاٹم نا ’’خل‘‘ ئِ بس ہندا ’’چا ‘‘ اٹ چُٹیفِک۔ نیاڑی بے وس(؟) تینا ’’دم دری‘‘ نا علاج ئِ ہم’’چا‘‘ ’ اٹ کیک۔داراست ئِ کہ انسان ’’ ساہ ئُ دیر‘‘ آن بیدس’’ زندہ‘‘ مننگ کپک۔ ولے دا دے ہم راستی ئس چائِنگے کہ نن ’’چا ‘‘ آن بیدس ’’زندگی‘‘ کننگ کپنہ۔ باز شاعر ء ُ زانتکار ’’چا‘‘ آن بیدس لوظ ئس نوشتہ کننگ کپسہ۔ داڑے ’’چا‘‘ نا ’’گلم‘‘ النگا ، ایڑے لوظ آک قطار مسور۔ دُن معلوم اف انتئے مریک۔ ولے مریک۔۔۔ سوچنگ نا ہیت ئس تو ارے کہ ’’چا ‘‘ ننا زند اٹ داخہ اہمیت انتئے ء ُ ہراتَم آن تِخک۔ چاہنگ خوائک کہ ’’چا ‘‘ ٹی داخس ’’ جادُٗئی ‘‘ اثرات آک اریر ہم کہ آخہ؟ ولے ’’چا‘‘ کنوکا قوم ئِ ’’ چاہنداری‘‘ تون انت؟

تعارف: nishist_admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

جدید ٹیکنا لوجی،لکھ وڑء ُ براہوئی بولی

نوشت: علی گل سرپرہ حرف اک ترتیب اٹ بامعنی اوار مریر لوظ ...

کُٹّانے نے ءٙ بندغ

21 اپریل ایماندار خواجہ جبار یار ناکزیت دے نا رِد اٹ نوشت: ...

ژاں پال سارتر ’’وجودیت ء ُ لاوجودیت‘‘

نوشت:  اخلاق احمد قاری براہوئی ترجمہ: صائمہ بلوچ     Letreet Leneant ژاں ...

جہانی نسخان نا بابت اقوام متحدہ نا گڑتی

اقوام متحدہ پارینے کہ کوروناوائرس نا ترندی اٹ تالان مروک دَین نا ...

ریاض سعودی عرب کورونا وائرس نا دَین آن پد ودی مروک آحالیت آتارداٹ گروپ 20 ملک آتا سروک دیوان اس بٹنگ انگ نا پڑو

ریاض سعودی عرب کورونا وائرس نا دَین آن پد ودی مروک آحالیت ...

error: Content is protected !!