لمئی بولی تا جہانی دے

Spread the love

نوشت:عبداللہ آذاد بلوچ

اللہ پاک نا ودی کروکا زیبا غا جہان اٹ ہر رنگ ہرنسل و ہر وڑ نا رنگ رنگ آ مخلوق ننے نظر بریک ولے دا کل اسے رنگ اسے دروشم اسے قد وقامت ٹی افس، ہر اسٹ نا جتاوُ دروشم ئس اللہ پاک ودی کرینے۔ دافتے ٹی ہندن انسان و حیوان نا ہم فرق ء تخانے ہندن انسان و حیوان نا نیام اٹ اوتا بولی تے ہم جتا جتا کرینے ۔
ہندن انسان آتے ٹی ہم جتا جتا بولی کروکو ودی کرینے کہ ہر انسان اینو تینا بولی تون چاہنگک
بولی ہم اللہ پاک نا تروکو باز بھلو نعمت ئسے اگہ کس تینا بولی نا قدر ء چاہہ،
دا جہان اٹ ہندنو بولی ہم مسونے کہ ہرا بولی تا اینو ڈس او نشان ہم رسینگپک ۔کہ ہرا بے خواجہی نا دو آن وجود ء تینا گوھانو اگہ مستی ہم چنکا بولی تے آ کاریم متو تو ہمو زباناک ہم لاوارثی نا سوب آن گم مرور-
ایہن تو جہان اٹ کہی وڑ نا بولیک اریر کہ کہی بندغ آک کہی بولی تے اٹ ہیت کیرہ ولے تینا بولی نا مٹ اف۔
لمئی آ بولی اخس ہنین مریک دا ہمو قوم نا باتی تے خبر ء ہمو قوم دانا قدرے کیک
اینو پگہ جدید ٹیکنالوجی نا دور ء بولی تے تین پہ تین اوراری لکھوڑ آ باز اثر مسونے ہراکہ ننا لمئی بولی تے آ ہم اثر انداز مسونو۔
ہرا کہ تعلیم نا سوب آن ہم مریک کہ اینو ہر بندغ مٹ انگا براہوئی یا بلوچی ء کننگ ٹی اف ولے کہی جاگہ اندن ہم ہرے کہ ننا مٹ انگا ہیتاک ہم مریرہ ہراکہ ننا مش تا بندغ آک بولی ء کیرہ ۔
کل آن بھلا ہیت دادے کہ ننا بولی تعلیم نا بشخ ء ۔دا بھلو خوش بختی اسے داڑن بولی پین شون الیک۔
اینو الیکٹراک میڈیا فیس بک انٹرنیٹ نا دنیا غان بیدس ٹی وی ریڈیو اخبار تنظیم آتا اینو پگہ گچین وڑ اٹ براہوئی او بلوچی بولی تا زی آ کاریم مننگ ٹی محفل مشاعرہ ادبی سیمینار آک ہم ادب او بولی ء مستی شون تننگ کن گام آتے برجا تخسہ مزل نا پارہ غا روان او ۔
اگہ تاریخ نا پنہ غاتے شنن پٹن تو ننا براہوئی او بلوچی بولی ننے وخت آن سوبر نظر بریک کہ ہمے وخت آ انگریز آک ہم ننا بولی آ پٹ او پول کرینو ہمے وخت آن بولی نا شونداری مرسہ ہنانے او داسکہ جوان وڑ اٹ مننگ ء۔
ای است نا سد حب اٹ منتواری ء ہر ہمو قوم نا باطی تا بولی نا خادم آتا ای اوفتا نت تا مشتے دروت الیوہ کہ او کنا براہوی او بلوچی بولی نا خزمت کرسہ کنا بولی ء اسے بھلو پن اس تسونو۔ کنا لمئی آ بولی ء جہان نا ایلو بولی تے تون کوپہ پہ کوپہ کننگ نا کوشست ٹی او تینا دا گام ء برجا تخانو۔
او ہندن مستی دوتفوک خواست ء کہ نن کل اسٹ مرین اوار تینا بولی نا خزمت ء کین کل آن بھلا ہیت کہ تینا زاتیات ء ایسر کین او لمئی آ بولی نا خزمت ء کین تاکہ ننا بولی مستی جوان وڑ اٹ شون الے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!