نیلم !

Spread the love
نوشت : شوبی شاہوانی
ای و صابر چنکی نا سنگت اُن نن میٹرک اسکان اوار اسے اسکول ٹی خوانانہ کنا صابر نا دوستی بیرہ اسکول اسکان الو ۔ نن ہمسایه ہم اسن اسے ایلو نا ہُراٹی ہم اِننگ بننگ ننا ئس صابر نا لمہ باز مہربان او نیاڑی اس ئس صابر ءِ باز لاڈ اٹ بلُّن کریسوس صابر نا باوا ریلوے ٹی نوکری کریکا بازی  ان ننکان ہُراغا بتوکا کہ اونا ڈپٹی نن نا دو بجہ اسکان اسکہ او وختا ہچ و سواری ئس ننا شار کن دو بتوکہ وخت وختس اگہ نن نا ریل اٹ شارہنا کسس بروسوس تو اوڑتون اوار  ٹیکسی یا رکشہ ٹی ماما ولی خان ہم نن نیماغا ہراغا بسکہ۔
دسمبر نا دیک اسور ای میٹرک نا امتحان کہ تیاری کریٹہ فروری ٹی ننا امتحان مروئ ئس صابر ہم وختس کنتو اوار مسکہ لیکن خواننگ ان اونا کاٹم خل کریکا۔ او اکثر کنتو ٹکری وفا نا مسڑ نا گپ ءِ کریکہ شارٹ دا مسڑ نا پن دن ڈکوک الو صابر انت کہ ہر ورنا دا مسڑ نا گپاتے کریکا تینا زیبائ نا وجہ غان  باز ءَ ورنا تہ اوش ءِ دریسوس دا نا پن ءِ کنا ہم استنا درکنگ تیز مسکہ ولے دا ایت صرف کنے سماء ئس ۔۔۔۔
اکثر شام انا ای و صابر نن انا ہُرے اسکان اوار مسونا ای کرکٹ و گوازی تہ گپ ءِ کریٹہ ولے صابر نا احوال اک پین اسور اونا شوک و شوخی  گیرام مسس هیت اناهیتا نیلم باٹی تہ بسکہ او مرغنو تغ اسیٹ اناکہ تینا مون ایت کریسہ سانگ و برام نا شیر خلککہ ۔
ای اونا ایتاتیان بیزار مسوسٹ داسہ اکثر اوڑان مر مر اسٹ اراتم خناٹہ تہ کاریم ہسے نا بہانہ ء کریسہ جان ء تینا کشاٹہ اوڑان ۔
 کنا است مننتوکہ کسس نیلم ںا پنے کنا مونا الے ۔
ولےصابر اوڑکن گنوک ئس۔
 مرے تو مرے گڑا کنا انتس !
ای تینتو تینٹ فیصلہ کریسہ تینے پاریٹہ۔
ولے دا ایتاک کنا کنے دن تسلی تو تیتوسہ بیرہ چپ کریفیرہ زرس استنا شور ءِ ہراکہ نیلم نا پنا شروع مسکہ۔
 وخت ہوا نا پرہ غاتیا ء سوار ہس او نن کنٹ ہنگا چاقو تون منزل نا مونا بروکا جر و بوچاتے تڑینگ نا کوشش ہٹ لگوک ہسون….
میٹرک ان پد ای لاہور ء اناٹ خواننگ کہ وخت وختس صابر تون حال احوال مسکہ فون ا۔۔او نیلم تون تینا سانگ ء کننگ نا تیاری ٹی اسکہ ولے اونا ابا منتوکہ ۔۔کنے دا ایت اونا ابا نا بھاز پسند بس ای استٹ بھاز خوش اسٹ۔
 ولے کنا خوشیک باز مرغن متوس ۔
ماما ولی خان اسہ دے ننکان ہرے ا ہرا غا بننگ ہس کہ کسرٹ دززاتہ گواچی مریسہ او اسہ پین مسافر اس شہید مسسر دا خبر کنکے باز کبینو تاسیر یس تخاکہ اسہ تو ماما ولی خان ننا ہمسایہ ہس یلو اوکنا سنگت ء نیلم نا کنڈان منہ کریکہ کنے اونا شہید مننگ ان زیات دا افسوس ہس کہ داسہ صابر سانگ کیک۔۔۔۔
کنے کنا استنا خاخر ولدا خلکا بننگ کہ الیتو کنے سما اس کہ صابر ء داسہ کس توروکو اف او نیلم ء سنگ کیک ۔۔۔۔
ای تینا استجمی نا خاتر چناتے ٹیوشن خوانیفنگ ء شروع کریٹ وخت سما اف ہراتم تینا رنگ ء نشان ایتے ای خوفان  خلکنا احوال ء ہم الاٹ ۔۔۔
دنیاغان چپ مر، اسے بیگانہ او شار ہسیٹ نن تا تہاری ٹی کنتو خلکان اتوکو اسہ کاغذ سے ان بیدس ہچ ہم الو ہراد ای اکثر توبے نا ننتیٹ خوانیسہ تینا استے زیر و زبر کریٹہ ۔
انٹرمیڈیٹ پاس کننگ ان پد کنے پرائیویٹ او اسکول ہسے ٹی ٹیچر نا ملازمت رسینگا ای جواہن کریٹ تہ وخت جوان تدینگاکہ شام ہنا وختا ٹیوشن خوانیفٹہ کنے داسہ خلکنا خیال الو ای پین دنیا ہس جوڑ کننگ ہٹ کامیاب مسس ہٹ۔
خلک وختس استا کنا بسکہ تو نیلم او صابر مونا کنا بسرہ اوفتا زندگی داسہ امر جوان مروے یقینا اوفتا برام ہم مروہے دا وخت اسکان ۔۔۔۔
ولے قسمت دن چپ کتو 29 اکتوبر 2008 نا دے مچھا وطن ہٹ قیامت ایس بس
 خلکٹ زلزلہ مس ای تینے دا وار خلکان کشنگ کتوٹ وخت بہ وخت خبرتیٹی نقصان زیات مننگ نا پاننگاکہ ہرادے اسکان خلکنا ہر ہسے فون نمبر ء خلکٹ اسٹ اس ہم لگیتو
اخر ای تینٹ خلکا بننگ ء خیر سمجاٹ کنتو کنا خلکنا خیریت ء ہریفنگ نا پین ہچو کسر ہس الو سواے تینٹ بننگ نا۔۔۔۔۔۔۔۔
خلک داسہ خلک ہس ہلو بیرہ منہ دڑوینگوگو ارا او منہ ٹاٹ ہنا جگ ہرافتے ارمی نا طرف ان خلک ہٹ خلنگاسس مر مر ا منہ بندغ خننگارہ ہرکس نا مونا موت تینا تہاری نا تاثراتاتے تالان کریسس۔۔۔
کنا خنتیٹ خڑینک ہم الو ای اسہ دمب ہسے نا زئ ا سلوک اسوٹ ہرانہ متکنہ نقشہ کنا خنتیٹ پیری کریکہ ای تینا خلکٹ تینا ہرا ہے گم کریسٹ کنے کنا ہرا نظر بتوکہ ۔۔۔
داکان زیات بد نصیبی پین انت مرو کہ تینا خلکٹ تینا ہرا ء کسس پٹے او اود خمپ۔۔
ای بیوس مریسہ ارمی نا امو کیمپ ہنا کھنڈا راہی مسوٹ کیمپ ہنا مونا ٹپی و کہوکا تا لسٹ ہس لگوک ہس
تینا چاہوکہ ہر بندغ نا پن ء خنیسہ کنا است جبی خلیسہ چیانٹ کننگ نا پیغام ء تسکہ
ولے کنا صبر داسکان کنے توریسس ای دافتہ موت ء تسلیم کتوٹہ تو ماتم انتہ کروسٹ ۔۔۔۔
کنا مونا نیاڑی تا لسٹ ہٹ کہوکا نہاڑی تا پنک اسر ہرافتیٹ ہر نیاڑی تون اونا ارغ یا باوا نا پن لکھوک ہس کنا نظر تما،،،،
عارفہ بی بی ارغ نا پن صابر علی۔۔۔۔۔
صابر نا پن ء خواننگ تو کنا خنک امو کاغذ ہٹ نیلم نا پن ء پٹنگ ء شروع کریر۔
شیف لکوک ہس۔۔۔
مومل، ارغ نا پن، خدا بخش۔۔۔۔
نیلم باوہ نا پن ٹکری وفا جان۔۔۔
ای ہلہ ہوش تینا مونٹ تینا دوتے خلیسہ اموڑے توسٹ ہراڑے دا کل ء لکھوکا پن تا ہسے اجتماعی و قبر ہس جوڑ کرسر ۔۔
کنتو کسس  نا ہچو نشانی ہس الو سواہے خلکان تینتون دروکا اسے کاغذ ہسے ان۔۔
ہراڑا لکھوک اس اگہ نی ہننگ خواسہ تو ای نے توننگ کپرہ ولے اسہ ایتس کنا یاد تخس ای موت ہسکان نما کسرا تولوک نیکے انتظاری مروٹ ۔۔۔
فقط نما نیلم۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!